Да зорак [Дмитрий Максимович Акулич] (fb2) читать постранично, страница - 4

праходзіла гладка: часам ён не раз саступаў хлопцам, але працягваў працаваць над сабой. Максім верыў у сябе. Верыла ў яго яго жонка Вікторыя, верылі ў яго зоркі, паверылі ў яго бацькі. У гады навучання, калі Максім сумаваў па родных, перад адбоем, ён часта выходзіў зірнуць на начное неба. Глядзеў на зоркі, яны супакойвалі яго, глушылі пачуцці смутку. Быццам казалі: усё будзе добра. Часам, зоркі бляклі і хаваліся за аблокамі, а затым выходзілі зноў з іх ценяў. Яны, нагадвалі Максіму самога сябе, у цяжкія дні яго жыцця. І нягледзячы на тое, што яго мару стараліся схаваць, ён знаходзіў у сабе сілы і верыў, глыбока ў душы, што цяжкасці сплывуць, як воблака і неўзабаве ён зноў убачыць святло.

Ён не раз бачыў касманаўтаў, самых сапраўдных, якія здзейснілі ўжо з дзясятак палётаў. Максім радаваўся за іх і за тых, хто ляцеў з імі ўпершыню… І працягваў чакаць. Ён старанна рыхтаваўся, не здраджваючы сябе і космас.

– Гэта маё прызванне. – казаў ён.

А дванаццатага чэрвеня, у аўторак, адразу ж пасля палёту на сімулятары касмічнага карабля, да яго падышоў яго кіраўнік.

– Праз год паляціш! – сказаў сівы мужчына, паляпваючы хлопца па плячы.

Максім вельмі радаваўся і свяціўся, як Палярная зорка. Пасля, яму было цяжка ўсвядоміць, што вось яго час прыйшоў, што праз год ён можа апынуцца на арбіце.

Ён лічыў дні, закрэслівая іх у календары. І ўсё ж таксама ўпарта рыхтаваўся. Бо гэты год, быў вельмі важным. Ён не павінен быў страціць сваю форму, а па-ранейшаму павінен паказваць добрыя вынікі. І даказваць, што ён не горш за астатніх. Максім здаваў усе экзамены на выдатна, пазітыўна адгуквалася пра яго ўсё яго асяроддзе. Ён радаваўся таму, што ў паўкроку ад мары. Як жа бясконца доўга цягнуўся гэты год. Чаканне першага палёту аказалася таксама маленькім выпрабаваннем.

Але калі год скончыўся і яго дапусцілі да карабля, яму заставалася толькі ўзляцець, каб стаць сапраўдным касманаўтам. І гэты доўгачаканы, радасна-хвалюючы дзень быў па-сапраўднаму прыемным і казачным. Надышоў час збірацца ў космас. Не абыходзілася без хвалявання. Ён апранаў скафандр, яго рыхтавалі да першай рэальнай адпраўцы ў космас, а сэрца білася ў сто тысяч разоў ад захаплення. Максім не выдаваў гэтую буру эмоцый, што ахапіла яго ў тую гадзіну, ён канцэнтраваўся толькі на заданні. Ён паводзіў сябе не менш спакойна, чым прафесійны касманаўт побач з ім. Ён не раз праходзіў усе гэтыя этапы падрыхтоўкі, але цяпер гэта было зусім па-іншаму – па-сапраўднаму. Калі яго везлі да карабля, ён адчуваў у сабе страх і трывогу.

Усё жыццё ён рыхтаваўся да гэтага. Быццам мноства невядомых планет неўзабаве адкрыюцца перад ім. І ён быў цвёрда гатовы сустракаць іх набліжэнне. Ну вось, ён у караблі, яго мара амаль дасягнута. І Максім трымаўся за яе і не збіраўся адпускаць. І ўсе хваляванні, страх і радасць ўміг зніклі. Засталося толькі напружанне, чаканне. "Хутчэй бы ўзляцець". Ён адкінуў усе свае думкі за межы карабля, пакідаючы толькі веды пілота ў момант запуску. І знаходзячыся пад наглядам старэйшага пілота, Максім не дазваляў яму ў ім сумнявацца.

Ракета, старт, палёт. Што можа быць яшчэ лепш для чалавека, які ўсё сваё жыццё марыў пра космас і цягнуўся да зорак. Максім сачыў за прыборамі, трымаў сувязь з Зямлёй. А затым, быццам за імгненне, як камета, ён праляцеў праз усю атмасферу Зямлі і апынуўся на арбіце, у касмічнай прасторы, у бязважкасці. Выгляд тут быў выдатны, зачароўваў дух. А бязважкасць яшчэ больш ўражвала, яе не з чым было параўнаць. Хай Максім ўсё таксама не мог крануцца зорак, але ён стаў бліжэй да іх, быццам стаяў з імі, адчуваючы іх прысутнасць. Крыху пазней, прыходзілі галаўныя болі, лёгкае ўкалыхванне: але да ўсяго гэтага ён быў гатовы. І выконваючы ўсе абавязкі, якія на яго былі ўскладзены на ракеце-носьбіце, як на касманаўта, ён з вялікім задавальненнем рабіў тое, што па праву было ягонае, у душы і сэрцы. Стыкоўка прайшла паспяхова. І прыбываючы на касмічнай станцыі, Максім у поўнай меры адчуў сябе касманаўтам. Не гледзячы на ўсе складанасці і прывыканні арганізму ў космасе, ён ні аб чым не шкадаваў.

– Калі я вяртаўся на Зямлю – я сумаваў. А затым, зноў і зноў вяртаўся да цябе, мой бязмежны і выдатны космас.

– Я – касманаўт. Я толькі маленькая зорачка цябе.