Даниловский молитвослов (fb2) читать постранично, страница - 149

class="book">Крещение Господне (Богоявление)

19 января

Во Иордане крещающуся Тебе, Господи, / троическое явися поклонение, / Родителев бо глас свидетельствоваше Тебе, / возлюбленного Тя Сына именуя, / и Дух в виде голубине, / извествоваше словесе утверждение. / Явлейся Христе Боже, / и мир просвещей, слава Тебе.

Сретение Господне

15 февраля

Радуйся, Благодатная Богородице Дево, / из Тебе бо возсия Солнце правды, Христос Бог наш, / просвещаяй сущия во тьме. / Веселися и ты, старче праведный, / приемый во объятия Свободителя душ наших, / дарующаго нам воскресение.

Благовещение Пресвятой Богородицы

7 апреля

Днесь спасения нашего главизна, / и еже от века таинства явление, / Сын Божий, Сын Девы бывает, / и Гавриил благодать благовествует, / тем же и мы с ним Богородице возопиим: / радуйся, Благодатная, / Господь с Тобою.

Вход Господень в Иерусалим

воскресенье перед Пасхой

Общее воскресение / прежде Твоея страсти уверяя / из мертвых воздвигл еси Лазаря, Христе Боже. / Темже и мы, яко отроцы победы знамения носяще, / Тебе Победителю смерти вопием: / осанна в вышних, / благословен Грядый во имя Господне.

Вознесение Господне

40-й день по Пасхе, четверг

Общее воскресение / прежде Твоея страсти уверяя / из мертвых воздвигл еси Лазаря, Христе Боже. / Темже и мы, яко отроцы победы знамения носяще, / Тебе Победителю смерти вопием: / осанна в вышних, / благословен Грядый во имя Господне.

День Святой Троицы (Пятидесятница)

50-й день после Пасхи

Благословен еси, Христе Боже наш, / Иже премудры ловцы явлей, / низпослав им Духа Святаго, / и теми уловлей вселенную, / Человеколюбче, слава Тебе.

Преображение Господне

19 августа

Преобразился еси на горе, Христе Боже, / показавый учеником Твоим славу Твою, / якоже можаху: / да возсияет и нам грешным / свет Твой присносущный, / молитвами Богородицы, / Светодавче, слава Тебе.

Успение Пресвятой Богородицы

28 августа

В рождестве девство сохранила еси, / во успении мира не оставила еси, Богородице: / преставилася еси к животу, Мати сущи Живота, / и молитвами Твоими избавляеши от смерти души наша.

(обратно)

9

Обрезание Господне, глас 1

14 января

На Престоле огнезрачнем / в Вышних седяй со Отцем Безначальным и Божественным Твоим Духом. благоволил сей родитися на земли, от Отроковицы Неискусомужныя, Твоея Матере, Иисусе, / сего ради и обрезан был еси, яко Человек осмодневный. / Слава всеблагому Твоему совету, / слава смотрению Твоему, / слава снизхождению Твоему, Едине Человеколюбче.

Покров Пресвятой Богородицы

14 октября

Днесь благовернии людие / светло празднуем, / осеняеми Твоим, Богомати, пришествием, / и к Твоему взирающе пречистому образу, умильно глаголем: / покрый нас честным Твоим Покровом/ и избави нас от всякаго зла, / молящи Сына Твоего, Христа Бога нашего, / спасти души наша.

Рождество Иоанна Предтечи, глас 4

7 июля

Пророче и Предтече пришествия Христова, / достойно восхвалити тя недоумеем мы, любовию чтущии тя: / неплодство бо рождшия и отчее безгласие разрешися / славным и честным твоим рождеством, / и воплощение Сына Божия мирови проповедуется.

Усекновение Главы Иоанна Предтечи, глас 2

11 сентября

Память праведнаго с похвалами, / тебе же довлеет свидетельство Господне, Предтече: / показал бо ся еси воистинну и пророков честнейший, / яко и в струях крестити сподобился еси Проповеданнаго. / Темже за истину пострадав, радуяся, / благовестил еси и сущим во аде Бога, явльшагося плотию, / вземлющаго грех мира / и подающего нам велию милость.

(обратно)

10

Глас 1

Камени запечатану от иудей / и воином стерегущим Пречистое Тело Твое, / воскресл если тридневный. Спасе, / даруяй мирови жизнь. / Сего ради силы небесныя вопияху Ти, Жизнодавче: / слава воскресению Твоему, Христе, / слава Царствию Твоему, / слава смотрению Твоему, едине Человеколюбче.

Глас 2

Егда снизшел еси к смерти, Животе Безсмертный, / тогда ад умертвил еси блистанием Божества: / егда же и умершия от преисподних воскресил еси, / вся силы небесныя взываху: / Жизнодавче, Христе Боже наш, слава Тебе.

Глас 3

Да веселятся небесная, / да радуются земная, / яко сотвори державу / мышцею Своею Господь, / попра смертию смерть, / первенец мертвых бысть; / из чрева адова избави нас, / и подаде мирови велию милость.

Глас 4

Светлую воскресения проповедь / от Ангела уведевша Господни ученицы / и прадеднее осуждение отвергша, / апостолом хвалящася глаголаху: / испровержеся смерть, / воскресе Христос Бог, / даруяй мирови велию милость.

Глас 5

Собезначальное Слово Отцу и