Уладзімір Емяльянчык

Уладзімір Пятровіч Емяльянчык (9 мая 1955, в. Вялікія Лукі Баранавіцкага раёна — 5 чэрвеня 2003, Мінск) — беларускі гісторык. Кандыдат гістарычных навук (1987), дацэнт.
Скончыў БДУ (1980). Працаваў у Мінскім інстытуце культуры, з 1990 у Інстытуце гісторыі АН Беларусі, адначасна выкладаў у БДУ і Беларускім гуманітарным ліцэі.
Даследаваў палітычную і ваенную гісторыю Беларусі XVIII ст., дачыненні Беларусі з Польшчай і Расіяй.
Адзін з аўтараў «Нарысаў гісторыі Беларусі» (ч. 1, 1994) і "Гісторыі Беларусі" (т. 3, 2004).

Бібліяграфія
«Нарадзіўся я ліцвінам...»: Тадэвуш Касцюшка. Мн., 1994 (з Я. Юхо);
Дыверсійныя рэйды ў паўстанні 1794 года на Беларусі // Весці АН Беларусі. Сер. грамад. навук. 1994. № 2;
Паланез для касінераў: (3 падзей паўстання 1794 г. пад кіраўніцтвам Т. Касцюшкі на Беларусі). Мн., 1994;
Да пытання аб паходжанні Ратамскіх — продкаў Тадэвуша Касцюшкі па маці // Беларусь і Тадэвуш Касцюшка: спадчына, час, эдабыткі. Мн., 2002.

Автор

Биографии и Мемуары   История: прочее